LGU - SARANGANI PROVINCE SERBISYO PUBLIKO

Blog – Press Release

LGU -  SARANGANI PROVINCE SERBISYO PUBLIKO

SARANGANI PROVINCE -

Mukabat sa dul-an Tres Mil na mga kababaehan, kalalakihan, mga senior citizens, mga kabataan og mga PWD kon persons with desabilities apil na ang mga may sakit nga celebral palsy ang nakabenipisyo sa Health Caravan nga gipahigayon kagahapon sulod sa Kapitolyo sa Sarangani kauban ang Department of Health Regional Office 12, Provincial Government sa Sarangani , ug mga Municipal LGU pinaagi sa Municipal Health Office libre nga natagaan sa mga serbisyo ang mga nasangpit susama sa Pedia consultation og P.P.D. kon tuberculosis screening, ibot sa ngipon og dental consultation, paopera sa gagmay na mga bukol, pagpanghatag og Philhealth card sa mga miyembro sa 4Ps, HIV testing, HIV counseling, teenage health and adolescent development program, family planning, pagpalaboratory, pagsukod para sa wheelchair, saklay og hearing aid og pagbaton og eye checkup, bone scanning, digital rectal examination, pneumonia vaccination og medical screening alang sa mga senior citizen og may mga diperensya sa lawas, pagmugna ug maayo nga mga inidoro alang sa sanitation program, tootbrush drill, pagpaminaw sa child injury prevention lecture, cooking contest, pagpakuha ug dugo o blood donation, og fire and earthquake alang sa mga barangay health workers kon BHW. Gihingusgan ni Governor Steve Chiongbian Solon nga ang hisgutanang panglawas ang usa nga top priority sa provincial Government sa Sarangani ilalum sa Sulong Kalusugan Program kauban sila Congressman Manny Pacquiao, Vice Governor Jinkee Pacquiao og mga board members. Gi-ampo sa gobernador nga sa dili mahuman ang kasamtangang tuig may unang pasyente na nga pangadawaton ang Sarangani Provincial Hospital sa tabang sa DOH samtang gina-upgrade usab ang mga hospital nga naa sa mga munisipyo. Gapadayon ang pagbayad sa probinsya sa 70% sa hospital bill sa matag kwalipikodo nga kabus nga pasyente nga maadmit sa mga tertiary hospital sa Gensan ilalum sa programa nga Health Assistance Program o naila sa tawag nga MOWA. Gapadayon usab matod pa sa gobernador ang programa sa probinsya nga Philhealth card og pagpahigayon og mga libreng medical ug surgical mission. Og unang higayon matud pa sa kasaysayan sa probinsya sa Sarangani nga gitagaan og monthly honorarium ang mga barangay Health workers tungod kay nakita sa mga provincial official ang kapait sa kahimtang sa mga BHW samtang sila nagalbot –suroy sa mga hilit nga dapit sa Sarangani isip frontliner sa paghatod sa mga serbisyo sa panglawas . Sa habig ni Congressman Manny Pacquiao , gipamahayag niini nga daku gayud ang matabang sa mao nga Health Caravan sa mga katawhan mao nga naglaum pa kini na aduna pay susamang mga aktibidad ang pagamugnaon . Nagpasalamat na lamang si DOH Regional Director Doctor Teogenes Baluma tungod kay nagpamatuod matud pa sa mga aktibo ang health sector sa Sarangani tungod sa liboan nga lumulupyo ang nipahimulos gayud sa libreng health services nga gihatag kagahapon . Nagpaabot na lamng usab sa iyang dakung pagpasalamat si Jessica Kalina, residente sa poblacion Alabel, tungod sa ayuda nga gihatag sa Health Caravan hilabi na matud sa ila sa mga lumad o indigenous people.