BARANGAYAN SA BRGY. BAWING GENSAN

PUBLIC

            Aron madool ang siyudad sa mga barabgay, gibatasan na sa mga opisyal sa mga Heneral nga tagalungsod ang pagbisita sa mga 26 ka barabgay sa Heneral Santos. Sayron sa mga opisyal nga maoy mga sulugoon sa katawhan ang mga problema, mga panginahanglanon sa mga anaa sa mga baragay.

            Kini pinaagi sa mga pagbinayloayg panghunahuna, pagbati mahitungod sa ilang mga problema sama sa lokasyon nila, sa mga adlaw-adlawng panginabuhi, mga kinahanglan nila tubig, sa pagkaon, pag-eskwela sa ilang mga anak, maayong panlawas, uban pa.

            Agig ama sa barangay ang barangay kapitan sa matag barangay maoy manguna pagpahayag ngadto sa mga city officials sa ilang mga reklamo o mulo ug mga kinahanglan sa ilang mga pamilya.

            Sama sa limpyong palibot, labina sa limpyong tubig panligo, pangluto ug labaw sa tanan, tubig ilimnon. May mga butang ba nga makahatag ug polusyon sa hangin, pagkaon ug ilimnon?

           Usab, sa ka barangayan, sama niadtong Marso 5, 2015 didto sa Barangay Bawing uban ang mga media ug mga opisyal sa siyudad, Si Mayor RC Rivera nanguna  gayud sa pag-adto sa Bawing Gym ug nakigkita sa mga barangay opisyal, pinangunahan ni Bgy. Capt. Jerry Jugarap, ubanan sa mga barangay kagawad aron hibaw-an ang ilang mga problema ug panginahanglan. Aron Kung pwede nga tubagon ang ilang mga hangyo.

           Agig tubag sa mga panginahanglan sa mga tawo sa barangay sa ilang maayong panlawas, gipahigayon ang blood screening niadtong  nanginahanglan. Kung unsay ilang mga sakit, hatagan silag tambal ug mga vitamins nga free apil ang tsek up.

            Ingkaso may need jud sa pagtambal sa may sakit, gidala sa barangay ang MOBILE HOSPITAL uban ang doctor, nurse ug uban pa nga may matabang sa mga masakiton.

            Didto sa bawing, nahibalo-an na nga ang mga di malinis nga palibot nakadugang sa problema sa polusyon sa tubig ilimnon ug pagluto. Busa girecord kini aron hatagan ug tubag aron maiwas ang mga tawo sa peligro sa water pollution ug maka-apekto pag-ayo sa maayong panlawas sa taga bawing.

            Organisado ang mga parte sa programa sa City Hall sa barangay kay ang mayor mismo ug mga opisyal sa siyudad nagtambayayong, nagtinabangay. Aron molampus ang mithi sa paghatag ug malinis ug epektibong panginabuhi.  (Sinulat ni. Prof. Rose A. Barrera Co – Anchor of ADLSNTV – adlsntv.blogspot.com and RPN –DXDX AM Radio 693Khz – Gensan)