MOHAGHER IQBAL SPEECH

PUBLIC

(Transcript of Message of Mohagher Iqbal during the Peace Rally of the Indigenous Peoples in Maharlika Plaza, Nuro, Upi, Maguindanao-March 7, 2015)

BISMILLAHI RAHMANIRAHEEM

Magandang umaga po sa inyong lahat, at sa mga kasamahan natin sa presidential table.

Ngayon ay dumadaan tayo sa isang malaking pagsubok, kong hanggang saan ang pagtitiis natin, hanggang saan ang pagsisikap po natin, kong hanggang saan ang kaiportante ng kapayapaan sa ating lahat.

Ang Proposed Bangsamoro Basic Law, ay nasa kongreso na ng Pilipinas. Naumpisahan na po ang pag deliberate sa kongreso, kaya lang noong mangyari ang very tragic incident , very unfortunate incident, ang Mamasapano, January 25, kong saan 44 ang mga SAF commandos ang namatay at marami pang ibang na wounded at sa parte ng MILF , ay 18 ang namatay, 14 ang sugatan, maliban pa doon may lima pang sibilyan na namatay, dahil sa engkuwentro na yun.

Malungkot na nangyari, nakakalungkot po, masakit sa atin , lalong lalo na sa ngayon na nag-uusap ang goberno at ang MILF at ang pinaka-iportanteng dokumento ay nadamay. Ang sinasabi ko dito ay ang Framework Agreement on the Bangsamoro at iyong Comprehensive Agreement on the Bangsamoro, kong saan iyong proposed Bangsamoro Basic Law ay doon po nakaangkla sa dalawang agreement na yan, at sana po kong hindi nangyari yun January 25 na insidente sa Mamasapano, ay malamang, sigoro naipasa na po ang proposed Bangsamoro Basic Law.

Pero tayo lahat ay naniniwala na may Diyos, alam natin na ito na ang nangyari at ito na ang nangyari at wala ng ibang nangyari, ito na nangyari, kundi ito lang at dahil doon ay tatanggapin po natin ang mga pamamaraan kong papaano natin, isulong yung usapang pangkapayapaan at kong papaano natin maipasa ang proposed Bangsamoro Basic Law.

Pero nakakalungkot po, na maraming indibiduwal, maraming mga grupo, mayroon din sa mga kasama sa grupo na yan na tinatawag natin na mga leaders of society, na instead na manawagan sila ng kapayapaan, ang panawagan nila ay giyera po. Giyera po. Sa tingin po natin mas madali nilang gawin dahil sila po ay hindi nila natikman ang giyera dito sa Mindanao. Ang nakikita lang nila ay ang napapanood nila ay sa mga pelikula, ang napapanood nila ay sa mga sine, hindi po nila natitikman ang lupit ng giyera. Kahit magkaroon tayo ng giyera dito sa Mindanao ay sila ay andoon sila sa Manila, andoon sa mga bahay nila, na masasarap ang pagkain nila, maganda ang nararamdaman nila, samantala tayo ay naghihirap dito Mindanao, lalo na dito sa proposed Bangsamoro area.

Kaya panawagan ko po sa lahat, maging Muslim man o maging Kristiyano o di kayay mga kapatid na Indigenous Peoples, dapat magkaisa tayo, manawagan po tayo na magkaroon ng kapayapaan, na maipasa po ang proposed Bangsamoro Basic Law.

Kasi ang Bangsamoro Basic Law o BBL ang tawag natin, iyan ang daan sa kapayapaan, iyan ang daan sa development, iyan ang daan sa progress dito sa Mindanao, lalong-lalo sa mga probinsiya na napapaloob dito sa Bangsamoro area.

Alam natin gaano kahirap ang giyera, gaya ng sinasabi nila na giyera, katulad ng sinabi ko, kaya hanggat maari ay huwag na natin ulitin, na hindi na dapat mangyari ang giyera dito sa Mindanao.

Kaya manawagan po tayo, dapat magkaisa tayong lahat, para manawagan po tayo na magkakaroon ng kapayapaan dito sa Mindanao, dahil alam natin na sa giyera ay walang nanalo, lahat ay talo, tayong lahat ay matatalo.

Ang giyera dito sa Mindanao ay nag-umpisa noong 1972, 42 years na po, so hindi naresolba ang problema dito sa Mindanao sa pamamagitan ng giyera.

Alam natin na malakas ang goberno ng Pilipinas mayroon silang tangke, mayroon silang eroplano, mayroon silang barko, lahat ng kasangkapan ay mayroon kanila, hindi nila kayang talunin ang MILF ang gobrno ng Pilipinas, dahil malakas ang goberno ng Pilipinas. Pero hindi naman kayang talunin ng goberno ng Pilipinas ang Moro Islamic Liberation Front. Ang MILF, ay di kayang talunin ng goberno ng Pilipinas, kasi kaya naman ng MILF na mag-girelya di ba? Huwag lang sa confrontational warfare, dahil mas malakas ang goberno doon, pero pag girelya warfare, mas malakas ang MILF.

Kaya hindi na ho dapat ang panawagan natin na giyera, giyera dito sa Mindanao kasi walang nanalo gaya ng sinasabi ko at hindi ito matatapos kaya nga ho nagdedesyon ang goberno ng Pilipinas at ang mga Moro Islamic Liberation Front early as 1997, na instead na mag-giyera ay mag-uusap tayo ng kapayapaan para maresolba ito sa pamamagitan ito ng mapayapang paraan.

Gaya ng sinabi ni Chairman Salamat Hashim (Ya Yarhamo). Ang sabi niya sa English : “The most practical and most civilized way of resolving the conflict in Mindanao is thru a negotiated political settlement.” Siya mismo ang nagsabi, ang pinakamaganda, pinakamagandang paraan sa pagresolba sa problema ditto sa Mindanao ay sa pamamagitan ng mapayapaang paraan.

Iyan din po ang sinusunod ng leadership ng MILF sa pamamagitan ni Chairman Hadji Murad, yung mapayapang paraan. Kaya nakikita po ninyo, kahit gaano kahirap ay sinusunod po natin ang usapang pangkapayapaan dahil alam natin iyan ang daan patungo sa kapayapaan dito sa Mindanao, patungo sa development ang progress dito sa Mindanao.

Ngayon malakas ang panawagan ng giyera, sinasabi ko po sa inyo, God Willing, Insha Allah, malakas po ang ugnayan, partnership ng goberno ng Pilipinas under the presidency of Benigno Aquino III at ng mga kabinete at ng Moro Islamic Liberation, na isulong po ang kapayapaan at isulong din po ang Bangsamoro Basic Law sa kongreso ng Pilipinas.

Kaya nga po kong minsan maririnig natin na siansabi ng iba na namumuno sa atin sa Manila, sabi nila si Secretary Deles, Professor Miriam Ferrer, parang spokeman o spokemen ng MILF, dahil yung sinasabi po ng MILF, yun din ang sinasabi nila, dahil po ang presidente ngayon at ang administration ay sinusunod yung sinasabi na “tuwid na daan”.

Ano ba yung tuwid na daan? Ang tuwid na daan, kong ano ang napirmahan ng goberno at ng MILF Kong ano ang napirmahan, dapat ay sundin ng goberno ng Pilipinas at ng MILF. Kaya nagkaisa po ang boses nina Secretary Deles at Professor Miriam Ferrer at kami po. Dahil ang tinitingnan po naming ang tinutugunan po natin at sinusunod po natin ay yung mga dukomento at ng agreement na pinirmahan natin.

Kaya nagkaisa ang boses namin, ganoon na nga, makikita natin na isang boses naming dahil sa lang ang kasunduan na pinirmahan ng goberno ng Pilipinas at MILF.

Dahil po diyan tanungin po natin ang taong bayan, kaya po ba dito sa Upi? Yung mga local government executives po natin dapat kausapin po natin sila.

At saka yung mahirapan at wala ng kaya, manalangin na lang po tayo na dapat mangingibaw po ang kapayapaan dito sa Mindanao.

Nakikita natin, na dahil sa pagsunod ng goberno ng Pilipinas sa lahat ng kasunduan ng goberno at MILF at pagsunod ng MILF sa lahat ng kasunduan, umangat po ang pag-uusap ng goberno ng Pilipinas at MILF.

Tapos na po ang pag-uusap, tapos na po ang negotiation. Hindi na ho negotiation at discussion, tapos na po. Ang natitira lang dito ay maipasa po ang BBL.

Maliban pa doon sa kausapin natin ang mga leaders natin, mga congressman natin, mga gobernador natin, yung membro ng mga media, dapat din po na ang mensahe ng kapayapaan sa mga leaderist ng Pilipinas at saka yung mga kapuwa din natin na mga tao dito sa Pilipinas, para po lalaki (lalawak) po ang boses ng kapayapaan, at hindi ang boses ng nanawagan ng giyera.

Sa MILF po, inuubos po namin ang lahat ng paraan, para po tayo magtagumpay. Kami po ay naniniwala na kahit na nakikita natin ngayon na mahirap ang dinadaanan natin ngayon, kami ay naniniwala, kami po ay nanalig at the end of the day, ang boses ng kapayapaan, ay iyon po ang magtagumpay.

So hindi ko na pahahabain ang aking mensahe, dahil ho mayroon pa kaming pupuntahan pa, from here, di ko pahahabain pa ang pagsasalita ko dito. At pasesiya lang po kayo na hindi masyado ang aking pananalita ko dito. Ang iportante for the first time, ay napunta ako dito sa poblacion ng Upi. Ngayon lang po ako napunta dito. Nagpapasalamat ako kay Commissioner Melanio Ulama na inaanyayahan niya ako para Makita ko ang munisipyo ho ninyo pangalawa para ho makausap ko kayo, kahit papaano masabi ko dito abng mensahe ng kapayapaan.

Para sa ating lahat, maraming salamat