PUBLIC
Ni Rose A. Barrera
KINSA MAN DAPAT MANUBAG SA
MASAKER SA MAMASAPANO, MAGUINDANAO?
TAGBOAN SA CITY HALL
Sa unang higayon, gipatawag ni Mayor
Ronnel C. Rivera ang mga miyembro sa tanang Media sa Gensan didto sa Mayor’s
Office sa usaka-miting nga bansagan ug TAGBOAN sa CITY HALL, Pebrero 4, 2015.
Ang tuyo mao nga may pag hisguthisgut tali sa LGU sa siyudad ug sa mga Media
mahitungod sa mga concerns ug mga lainlaing isyu nga may kalabutan sa kaayuhan sa
mga Generals ning siyudad.
Ang TAGBOAN sa CITY HALL buhaton kada duha ka semana:
Una ug ikatulong myerkules sa buwan, alas 9:00 sa buntag.
Pero sa di pa ang miting, magpahibalo ang mga
media sa ilang CONCERNS/ISSUE ngadto sa mayor’s Office pinaagi sa tulo ka
contact numbers sa SMART 090843077031, SUN 09328818041 ug GLOBE 09152708432.
Sa unang miting tulo ka topiko ang nahisgutan:
Imprastraktura, Transport ug Peace and Order Situation sa GSC.
Sa infrastructure, natukiang isyu sa
Landfill. Sa karon, daghan pang asikasuhon sa di pa matapos. Nagpasalig ang
Mayor nga pinaagi sa mga piniyalan sa Landfill isyu nga dilimadugay matapus na kini.
Sa isyu sa TRANSPORT, daku pa kaayo ang
dapat asikasuhon kay segun sa Mayor ug sa Chairman sa komitiba niini nga si Atty.
Cloma dapat sundon ang hustong proseso sa paghan-ay aron masilbihan ang mayoryang
katawhan. Ug usab mahatagang higayon nga makakuhag igong abot sa pamasada ang mga
pamilya kansang pangita mao ang transport sa jeepney’s o sa tricycle, uban pa.
Han-ay ug nindot ang dagan sa unang TAGBOAN sa
CITY HALL kay daghang nagpartisipar.
KINSA
ANG DAPAT MANUBAG SA MASAKER SA MAMASAPANO, MAGUINDANAO?
Dili lalim ang kasakit ug kagool nga
gibati sa tanang mga asawa, ginikanan ug mga anak ug mga paryente sa tanang namatay
didto sa Mamasapano, Maguindanao, enero 25, 2015!
Apan, tapus naang masaker. Wa na kitay mahimo kay
ang kapin 60 patay na!
Tungod kay mga tawo man ang nangamatay nga may
katungod pa unta mabuhi kung Wa pa nahitabo ang usa ka pag-atake sa MILF 165th
Base Command nga way hustong plano ug koordinasyon o dayalogo/kontak sa wapa
mahitabo ang pinusilay, daku kaayo ang tulubagon sa mga opisyal sa gobyerno alang
niadtong nangamatay!
Kinsa gayud ang unang manubag sa grabe
ug dugo-ang hitabo sa Maguindanao niadtong enero 25, 2015?
Sa nahipos
nato na report malibog ang publiko. Kay may mga report mga gibasol ang MILF
Command nga maoy sad-an.
Apan, ang ubang report nag-ingon nga ang mga
AFP/PNP-SAF way koordinasyon ug igong plano unsaon pag dakop nila MARWAN ug
USMAN. Ang mga dagkong opisyal nag tinulakay ug way mo-amin.
Sa pagbalita sa PDI, Jan.
29-30-31, 2015 gipagawas nga si Police Coordinator NAPENAS nag sulti nga gimandoan
siya sa CIA sa Estados Unidos nga dakpon sila MARWAN ug USMAN ug may patong 6
milyon dolyares kang MARWAN, 3 milyon dolyares para kay USMAN.
Samtang ang mga nangamatay nag
sugot lang sa command sa itaas nga mo atake sila sa 165th Bases
command sa MILF.
Didto girakrakan sila sa MILF/BIFF ug sobra ka
brutal ang ilang kamatayon.
Ang hepe sa sandatahang lakas, ang DILG
sekretaryo, ang mga commanding officers sa ubos nga ranggo nag iyahay ug ingon,
“WALA JUD IGONG PLANO UG KOORDINASYON SA WA PA ANG PAGBANAT PAGDAKOP SA DUHA
KUNO KA “INTERNASYUNAL NGA MGA TERORISTA”!
Makatarungan ba diay ang pag dakop, pag patay sa
duha lang ka terorista apan daghan ang nangmatay? Dapat ba isakripisyo ang daghan
para lang saduha?
Makatulog ba ang konsensya sa mga
tawong matino, matarung ug nagmahal sahustisya kung patyon ang duha lang bisag daghang
mamatay?
Unsa katinood nga si MARWAN dugay nang namatay
niadtong 2012 pa? Apan gipadakop pa sa CIA, US?
Kung tinood kini, ang pag dakop patay kang
MARWAN usa diay ka DRAMA?
Di ba suko kaayo kita kung mamatay ang tawo sa
way hinungdan?
Hinaut unta matinood ang TRUTH COMMISSION sa pag
pagawas kung kinsa ang manubag sa masaker. (Sinulatni Prof. Rose A. Barrera Co-Anchor of ADLSNTV –adlsntv.blogspot.com and RPN – DXDX AM Radio 693 KHz – Gensan)
No comments:
Post a Comment